इटानगर, 7 सेप्तेम्बरः रबिबारखालि अरुणाचल प्रदेशनि टावांआव 3.4 रिक्टार स्केल गोख्रैथिनि बांग्रि मावलांदों। मिरु बोथोर बिफाननि बायदियैब्ला 6 सेप्तेम्बरखालि फुंनि 7.30 रिंगायाव अरुणाचलनि टावां ओन्सोलयाव बांग्रि मावनायनि गोहोमखौ मोन्दांथिदों । गुबुन फारसेथिं बे सानखालिनो फुंनि 6.38 रिंगासो समाव निकबर आइलेण्ड ओन्सोलाव 4.3 रिक्टार स्केलनि बांग्रि मावलांनायखौबो मोन्दांथिनायनि सायाव मिरु बोथोर बिफानआ मिथिहोदों।
मख'नो गोनांदि, थांनाय माखासे दाननिफ्रायनो सा-सान्जा भारतनि माखासे राइज्योफोराव सम-सम एसे-एसे बिबांनि गोख्रैथिजों बांग्रि मावनायखौ मोन्दांथिनाय समनि उनावनो अरुणाचल प्रदेशआव एसे बिबांनि बांग्रि मावनायखौ नुनो मोनबावदों। अदेबानि फुनि समाव मावलांनाय बांग्रिनि गोहोमजों अरुणाचल प्रदेशआव जेबो ख'हा जानाय खौरांखौ मोन्नो हानाय जायाखै।
