काजलगाव महखुमा फोरमायथाय आरो सुबुं फोनांजाब मावख’गिरिनि बानजायनाय आरो मावखनिनो सावराय नब्लांआव हादर सिबिनाय सान” फालिदों गेदेमा रुंसारि तरुनराम फुखन नि थैनाय सानखौ लोबबा लाखिनानै ।
तरुन राम फुखना 22 जानुवारि 1877 आव जोनोम जानानै 28 जुलाई 1939 माइथाइआव रुंसारि जादोंमोन। बिथां आ सासे गोगख्रों दैदेनगिरिमोन इनडियान नेसनेल खंग्रेग दोलोनि।
बे मेहेर गोनां दिनखौ फालिनायाव चिरां जिललानि उफ्रा जिलला बेंगिरि, फनिनद्र दास, सहित’ बानथा मोनगिरि मुस्रि लखिनाथ ब्रह्म, चिरां जिलला प्रेस क्लबनि आफादगिरि मुस्रि अब्बु बख्खार सिधिग, फोरमाइथाइ आरो चिरां जिललानि सुबुं फोनांजाब मावख’गिरिनि मुस्रि गगन नारजारि जों लोगोसे बे जिललानिनो गोबां खौरांगिरि मोनहा नुजाफैनानै बिथां तरुन राम फुखनानो खुलुमना मान बावदों।
चिरां जिलला नि उफ्रा जिलला बेंगिरि, फनिनद्र दास आरो मुस्रि लखिनाथ ब्रह्म मोनहा गावसोरनि बिबुंथि लाखिनाय समाव तरुन राम फुखनानि जिउ जारिमिन, बिथांनि हदर उननाय आरो हदरनि उदांस्रिनि थाखाइ खामानि मावनायनि सायाव सुंद’यै फोरमायलांयो।