अयध्या, 2 नभेम्बर: उत्तर प्रदेशनि अयध्याआव श्रीराम मन्दिरखौ बानायनाय हाबाफारिआ जागायबाय आरो बे मन्दिरआ गासै 3 बोसोरनि गेजेराव थियारि जागोन। बेनि गेजेरजों अयध्याआव दिवालीखौ जरखा महरै फालिनायनि थियारि खालामनाया सोलिगासिनो दङ। बे खेबाव अरायथा नङै मन्दिरआव फजनाय रामलालानि दरखङावबो आलारि बाथि सावनाय जागोन आरो गासै अयध्याआन गासै 5.51 लाख आलारि बाथि सावनाय जागोन । मख'नो गोनांदि, 492 बोसोरनि उनाव गिबि खेबनि थाखाय गाजागोमजायै दिवाली खुंनाया रामनि जोनोम जायगानि लांगोनायाव जागोन। बेजों लोगोसेनो अरायथा नङै मन्दिराव रामलालानि दरखंआव आलारि बाथिनि सोरांजों जोंब्लावगोन। बेनि सिगाङाव लांगोनायाव खान्थिबादियै दिवालीखौ फालिनाय जादोंमोन आरो पुजारिफोराल' जेवारिखौ सावनो हायोमोन।
अदेबानि दिवालीनि समाव रामलालानि अरायथा नङै मन्दिराव जर'खा फुजाखौ होनाय जागोन। बे खेबावबो गोदान रेकर्ड खालामनो थियारि खालामनाय जादों आरो बेनि थाखाय गासै अयध्याआव 5 लाख 51 रोजा आलारि बाथि सावगोन। बे समाव उत्तर प्रदेशनि गिबि मन्थ्रि यगी आदित्यनाथआ 13 नभेम्बर खालि अयध्याआव बाहागो लागोन।
