• Home
  • /
  • BTR
  • /
  • सालबारियाव इउपिपिएलनि हेफाजाबाव बाथौ महासभानि सावराय जथुम

November 5, 2020

सालबारियाव इउपिपिएलनि हेफाजाबाव बाथौ महासभानि सावराय जथुम

भबानिपुर, 5 नभेम्बर: दुलाराय बाथौ महासभानि बान्जायनायाव बुधबारखालि सालबारियाव सालबारि बियाबनि इउपिपिएल दोलोनि बिजाथि बिनद मुसाहारिनि हेफाजाबाव मोनसे गुवार सावरायनाय मेलआ जोबनानै थाङो। दुलाराय बाथौ महासभानि दैदेनगिरि पद्मधर बसुमतारिनि मासि सामलायनायाव जानाय बे गोनां मेलआव दुलाराय बाथौ महासभा, एबसुनि सालबारि दख'रा आफादनि दैदेनगिरिजों लोगोसे माखासे लिरगिरि, थुनलाइगिरि, देंखोगिरि, समाज सिबियारिफोरा बाहागो लायो। मेलआव इउपिपिएल दोलोनि सालबारि बियाबनि बिजाथि बिनद मुसाहारिया गावनि बिबुंथियाव बुङोदि, बिटिआरआव दासान्दि मोनसे हाथियार उदां समाज सोर्जिनो हादों। बे बिथिङाव इउपिपिएल दोलो, एबसुजों लोगोसे राइजो-राजाफोराबो जर’खा बिहोमा होदों। फैगौ सानफोराव बिटिआरआव मोनसे गेनाखान्थि उदां, गोग्गो समाज सोर्जिनायनि थाखाय इउपिपिएल दोलोआ सिगांग्रो बिबान लानांगोन। फैगौ सानाव बिटिआरआव मोनसे गोख्रों सरकार दाफुंनांगोन।

Salbari Bathou

लोगोसे गोग्गो समाज दाफुंनायनि बिथिङाव साफ्रोमबो मेलेमजिबि सांग्रां सुबुंफोर आरो गुबुन गुबुन हान्जा आफादजों लोगोसे राइजो-राजाफोरा इउपिपिएल दोलोनि जानानै आबुं हेफाजाब होनो थाखाय आवगायबोनांगौ। बिनद मुसाहारिया गावनि बिबुंथियाव बिटिआरआव मोनसे गोग्गो सरकार दाफुंनायजों आबुं हेफाजाब होनाय साफ्रोमबो मेलेमजिबि सांग्रां सुबुं आरो हान्जा आफादखौ बिबान लानो थाखाय फोसावो। मेलआव दुलाराय बाथौ महासभानि मिरु आफादगिरि हलिराम मुसाहारि, लेङाइ आफादगिरि महन स्वर्गियारी, गाहाय नेहाथारि बसन्त स्वर्गियारी, बोसोनगिरि निलकान्त बर'जों लोगोसे माखासे गागि सुबुंफोराबो बिबुंथि लाखियो। मख'नो गोनांदि, बे खेबनि बिटिसि परिषद बिसायख’थियाव दुलाराय बाथौ महासभाया इउपिपिएल दोलोखौ आबुं हेफाजाब होगोन होन्नानै मिथिहोयो।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

Published by

Bodosa


Bodosa is a Daily Newspaper, printed in Bodo language.

Leave Your Comment Here