• Home
  • /
  • BTR
  • /
  • ससेल मिडियानि थारखायनो दिहुन्नो हाबाय बारग एमपि बिस्वजित दैमारिनि फिसाज्लाखौ, दैमारिआ खौरां बिजोंखौ साबायखर होदों

January 7, 2021

ससेल मिडियानि थारखायनो दिहुन्नो हाबाय बारग एमपि बिस्वजित दैमारिनि फिसाज्लाखौ, दैमारिआ खौरां बिजोंखौ साबायखर होदों

कक्राझार, 7 जानुवारीः राइज्यो सभानि बारग' एमपि बिस्वजित दैमारिनि फिसाज्लाया हरखाब गोमानानै थानाय जाथाया दसे नो कक्राझार जिल्लायाव सोमोनांनाय थासारि सोमजिहोदों। ससेल मिडियानि गेजेरजों गावनि फिसाज्लाखौ मोनफिन्नो हानाय एबा गोमानायखौ दिहुन्नो हानायनि थाखाय खौरां बिजों खौ साबायख'र होदों बारग' एमपिआ। कक्राझारआव थानाय गावनि थाग्रा नआव खौरां बिजोंजों जानाय मोगामोगिआव बारग' एमपि बिस्वजित दैमारिआ बुङोदि, आंनि फिसाज्लाया गोमानायनि उनावनो ससेल मिडियाआव भाइरेल जादों सावगारि आरो बेनि खौराङा। बेनि उनाव साफ्रोमबो आंनि फिसाज्लाखौ नागिरनायाव एबा दिहुन्नायाव हेफाजाब होदों। जायनि गेजेरजों सासे सुबुङा लामायाव नुसन्नाय लोगो लोगो बिस्वजित दैमारिनि बिनानावनो खौरां हरो। बेनि उनाव बिस्वजित दैमारिनि फिसाज्ला अमित राज दैमारिखौ रैखाथिनि दखलाव लानो हायो एबा मोनफिनो।

Biswajit And Sons

        बेबादि खौरांखौ मोन्नानै दैमारिनि नख'रआ बे सुबुंनि खाथियाव साबायख'र होयो। खौरां बिजोंनि सिगाङाव बिस्वजित दैमारिआ मिबथिहोनाय बादिब्ला, गोमानाय जाथायनि सायाव गावनि फिसाज्लाजों दासिम बाथ्रा सावरायनाय जायाखैब्लाबो फिसाज्लानि लोगोजों बाथ्रा सावरायनायनिफ्राय मिबथिनो हादोंदि, हस्टेलआव थानो बादोंमोन आंनि फिसाज्लाया। बेनिखायनो हस्टेलनिफ्राय ओखारलांदोंमोन अमित राज दैमारिआ। जोबथायाव गावनि फिसाज्लाखौ रैखाथियै मोनफिन्नो हानायाव खौरां बिजोंखौ साबायख'र होनानै गोजोन्नाय फोरमायो बिस्वजित दैमारिआ।

Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

बाक्सा जिल्ला एबसुनि बोसोरसालिया जथुम्मा खुंफुंनो रायदाव आफादखौ दाफुंबाय

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

आसामाव जेब्लासिम BJP सोरखार थागोन अब्लासिम फिसा फिसा हारि हारिसाफोरनि मोन्थायफोरा जोबस्रांलांगोन : कास्तम बसुमतारि

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

संका बानदो, जामफैनि दैखौ बानदो थेनानै दै दिखांनो हायैजों जिंगा सिनांदों माखासे आबादारिफोरा

Published by

Bodosa


Bodosa is a Daily Newspaper, printed in Bodo language.

Leave Your Comment Here