बेंगालुरु, 25 सेप्तेम्बर: ताइवाननि ब्रान्ड एसारआ बलिउड फावखुंगुर सनु सुदखौ भारतनि ब्रान्ड एम्बाचाडर महरै सायख'दों। एसार इन्डियानि मेनेजिं डिरेक्टर हरिश कहलीआ गावनि बिबुंथियाव बुंदोंदि, सनु सुदआ जोंजों लोगोसे थायोब्ला इयुनाव जोंनि बे ब्रान्डआ आरोबाव बांसिन गोख्रों जागोन, लोगोसेनो जोंनि बाहायगिरिफोरनि गेजेराव फोथायनाय, गोहो आरो सोनारनाया सोमजिगोन।
ब्रान्ड एम्बाचाडर जानायाव फावखुंगुर सनु सुदआ बुंदोंदि, भारतआव कम्पानीआ थांनाय 21 बोसोरफोरनिफ्राय टेक्नलजीनि गेजेरजों सुबुंफोरनि जिउखौ साबसिन बानायनो थाखाय होबथादों। एसारनि बाहागो जानाया गावनि थाखाय गोग्गाथाव बाथ्रा। कम्पानीनि बादिब्ला, एसारआ हादरआव डिजिटेलनि सोलायनाय लाबोनायाव मोनसे गाहाय बिफाव लानायनि फार्से खामानि मावगासिनो दङ।
