• Home
  • /
  • Entertainment
  • /
  • शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

November 2, 2020

शिल्पा शिन्देआ एक्ता कापुरनि वेब सिरिज पौरशपुरजों डिजिटेल डेब्यु खालामसिगोन

गोदान दिल्ली, 2 नभेम्बर: बिग बस 11 नि देरहानाय शिल्पा शिन्देआ मोनसे गोबाव समनिफ्राय टेलिभिसन इन्डास्ट्रीनि गोजानाव दङमोन। थांनाय माखासे दाननिफ्रायनो फावखुंग्रिया गेंग्स अफ फिलिमस्तानजों टिभिआव आगान होदोंमोन। आथिखालाव मेकार्सजों दावराव-दावसिनि जाहोनाव बियो बे श्व'खौ नागारदोंमोन। बावैसो समाव शिल्पाया फोरमायदोंमोनदि, गाव थाबैनो गावनि फेन्सफोरनो मोजां प्रजेकटजों सारप्राइज होगोन । बे प्रजेक्टआ जादों एक्ता कापुरनि फैनो गोनां वेब सिरिज पौरशपुर, जेराव शिल्पाखौ गाहाय फावआव नुनो मोनगोन। पौरशपुर वेब सिरिजआव शिल्पाखौ टिभि फावखुंगुर शहीर शेखजों लोगोसे रमान्स खालामनाय नुनो मोनगोन । बेनि प्रमसनआबो रिलीज जाखांबाय, जेराव फावखुंग्रिखौ गोजाम मुगानि महारानीनि गोहो गोनां फावआव नुनो मोन्दों। शिल्पा आरो शहीरनि अनगायैबो वेब सिरिजआव मिलिन्द सनम, साहिल सलाथिया, अन्नु कापुरजों लोगोसे माखासे गिदिर फावगिरिफोरनि मुङा दंफादेरो। सोराङाव फैनाय प्रमनि बेकग्राउण्ड साउन्डखौ अन्नु कापुरनि न'आव थियारि खालामनाय जादों। पौरशफुर सिरिजिआ मोनसे पिरियड ड्रामा जागोन। जायखौ अल्ट बालाजी एप्पआव स्ट्रीम खालामनाय जागोन।

Share with your friends!

Related Posts

पुनम पान्डेनि हेंथायै गवायाव केस थिसन्दों

केन्सार बेरामखौ फेजेनबाय सन्जय दत्तआ

सनु सुदआ रुंसारि जानाय बिमा सरजनि थैनाय सानआव स्कलारसिप स्कीमखौ जागायजेनदों

बम्बे हाइकर्टनिफ्राय रिया चक्रबर्तीआ बेल मोनबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here