• Home
  • /
  • Regional
  • /
  • लकडाउननि समाव साइकेल बायनायनि हारआ 50 जौखोन्दो बांदों

August 31, 2020

लकडाउननि समाव साइकेल बायनायनि हारआ 50 जौखोन्दो बांदों

गुवाहाटी, 30 आगस्ट: जोंनि जिउ हान्थिनाय बेलायाव सिगांग्रो देहाखौ गोगोयै साखोन-सिखोन लाखिनाया गोनांथार। मुलुगनाङैनो महामारि करना भाइरासआ जोंनि सोलिनाय जिउनि लामायाव बयनिख्रुइबो खैफोद गोनांसिन खालामनानै दोन्दों। लकडाउनि गेजेरावनो सुबुं देहानि सोमोन्दोआव सावरायबाय थानाया सोलिबाय थानायनि समाव आसामनि गुबुन गुबुन जिल्लाफोरनि गेजेराव गुवाहाटी नोगोरमायावनो साइकेल बायनायनि जौखोन्दोआ बांसिन जादों।

खैफोदनि समाव न' सिङावनो थानानै सुबुंनि देहा राफोद लाखिनाय बिथिङाव लोरबां जालांनो हमनायखौ नोजोर होनानै साइकेलजोंनो देहा राफोद खालामनाय हुदाखौ सोलिनाय नुनो मोन्दों। सिगां समावबो गुवहाटी नोगोरमायाव साइकेलजों हान्थिनायखौ एसे नुनो मोन्दोंमोनब्लाबो दासान्दि साइकेल बाहायनाय सुबुंफोरनि अन्जिमाया गोबां जानायखौ सुलुंनि गेजेरजों मिथिनो मोन्दों। बेनि सोमोन्दोआव बाइ-साइकेल मिरर अफ इन्डियानि बिगोमा आरचेल आक्टारआ बुबुनाय बायदिब्ला लकडाउननि समाव साइकेल बायनाय-फान्नायनि जौखोन्दोआ 50 सिम बारायदों। दासान्दि नोगोरमानि जायगा जायगा साइकेल फान्नायखौ बन्दजानायबो नुनो मोन्दों होन्नानै बुङो।

गुवाहाटीनि प्रिमियाम साइकेल स्टरफोराव साइकेलआ जोबजोबबाय अदेबानि सुबुंफोरा साइकेलजों हान्थिनायखौ गुबैयै देहानि मोजां राहा सान्ना लानानै दासिम नोगोरमायाव गोबां सुबुंफोरनि साइकेलजों हान्थिनाय नुनो मोन्दों। बिथांआ बुंबावोदि, राइज्योनि गुबुन गुबुन ओन्सोलाव मोन 25 सो साइकेलिं क्लाब दं। दासान्दि लकडाउननि समाव बेफोर क्लाबनि साइकेलफोराबो बाहायजादों।

Cycle

गुवाहाटीआव साइकेलिंनि फोसावनायनि थाखाय सुबुखौ सांग्रां खालामनो अनलाइनि गेजेरजों केम्पिं हाबाफारिखौ लानाय जादों। जायनि थाखाय साइकेल बाहायनायखौ थोंजोङै देहाजों मोजां सोमोन्दो थानायाव फालांगि बिथिङाव बांसिन मुलाम्फा जादों। मख'नो गोनांदि, लकडाउननि समाव गारि, बाइक आरो हान्था मेलानि थाखाय बाहायनाय मुवा बेसादफोरा बायनाय फान्नायनि फारसे खमायदों। बिनि सोलायै सुबुंफोरा साइकेलखौ देहा राफोद जानायनि थाखाय बाहायनायाव बांसिन गोसो होदों।

दासिम नोगोरमायाव साइकेलनि दिमान्डआ गोबां जादों आरो बे डिमान्डखौ थोजासे थिसन्नायनि फारसे होनो हायाखै होन्नानै बुङो । साइकेल स्टरनि बिगोमाया बुङोदि, बे माखासे साननि गेजेराव जोंनि फान्नाय बिबांआ सिगांनिफ्राय बांसिन जादों। जोङो जायखि जाया ब्रेन्डजों दिल खालामो आरो बिसोरनिफ्राय आरोबाव साइकेल लाबोनो गोनां जायो। लकडाउननि समाव गोबां साइकेल बाहायजानायनि अनगायैबो बेनि सिगां समावबो साइकेलखौ सुबुंफोरा बाहायदोंमोन।

दासान्दि मुलुगनाडैनो साइकेलनि बाहायनाय बिबाङा डिमान्ड जादोंब्लाबो कम्पानिफोरा नांगौ बादि साइकेल जगायथाय होनो हायाखै। आसाम राइज्योआव थानाय गुबुन गुबुन जिल्लाफोराव देहानि सांग्रांथि थानाय आरो देहानि जोथोन लाखिग्रा सुबुंफोरा सानफ्रामबो फुं आरो मोनाबिलि समाव साइकेलजों बेरायनो एबा हान्थिनायजों देहा राफोद खालामनाय हुदाखौ नुनो मोन्दों आरो साइकेलजों हान्थिनाया सारासन्स्रायै देहानि मोजां मुलाम्फा गोनां होन्नानै सान्नाय जादों।

Share with your friends!

Related Posts

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

आसामनि मादावनो मुंदांखा जानो हानाय बगामाति लावखार ओंखाम जाग्रा थावनिखौ दिनै सोरखारि भाबै बेखेवनानै होबाय। 

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

Ex Volunteers ग्रुबा All Bodo Ex Volunteer Force Organization मुं होना दिनै मिरु आफादखौ गोदानै दाफुंबाय।

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

क’क्राझार सोरखारि फरायसालिमायाव ईशान चन्द्र मोसाहारी फोथायफुनजि बेनि सेथि गोसोखां बिबुंसार हाबाफारि खुंदों

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Grand Assam 2022 आव Ushna Basumatary आ Grand Miss Assam  Eminent 2022 बिमुंखौ मोननो हादों ।

Published by

Bodosa


Bodosa is a Daily Newspaper, printed in Bodo language.

Leave Your Comment Here