सरासन्स्रायै गासैबो दालिआनो प्रटिनजों आबुं आरो देहानि थाखाय मुलाम्फा गोनां । नाथाय बयनिख्रुइबो मुग दालिया गाहामसिन। बेयाव भिटामिन ए बि सि आरो इनि बिबांआ आबुङैनो थायो। लोगोसे पटेसियाम, आयरन, केलसियाम मेगनेसियाम, कपार, फलेट, फाइबारनि बिबांआबो आरो थोजासे थायो, नाथाय केलरिनि बिबांआ गोबां खम थायो। बे मुग दालिया देहानि लिरथायखौ सामलायनायावबो मदत होयो। मुग दालि जानायनि मुलाम्फाफोरा जादों -
(1) बेखौ जाबाय थायोब्ला ब्लाड प्रेसारखौ सरासनस्रा खालामनायाव मदत मोनो। बेयाव आबुं बिबांनि फाइबार, पटासियाम आरो मेगनेसियाम थायो। फाइबारआ उदैनिफ्राय मैलाफोरखौ बाइजोआव दिहुनहरनायाव मदत होयो।
(2) मुग दालिजों इम्युनिटीआबो बाङो आरो मेटाबलिज्मआबो बाङो। मुग दालिया मेटाबलिज्मखौ बाराय होनायावबो गोबां मदत गोनां जायो, जायजों गेस, खि गोरा जानाय उदै सानाय बायदि जेंनाफोरा गैया जायो।
(3) देहा सोलेरनि लेरथायखौ बाङाइ खालामनायाव मुग दालिया मुलाम्फा गोनां। मानोना देहानि लेरथाय खमायनायनि डाइटआव हाइ प्रटिन गोनां जाग्रा आदारखौ जानांगौ। हाइ प्रटिन जाग्रा आदार जायोब्ला उखैनाया खम जायो आरो बेबादिजों लेरथायखौ सामलायनायाव मदत मोनो।
