• Home
  • /
  • National
  • /
  • भारतयाव कभिड-19 भेक्सिनआ सौफैनांगौया 6 दान सम नांबावसिगोन

August 23, 2020

भारतयाव कभिड-19 भेक्सिनआ सौफैनांगौया 6 दान सम नांबावसिगोन

गोदान दिल्ली, 22 आगस्ट: बे बोसोरनि 7 दाननिफ्राय कभिड-19 आ मुलुग नाडै गोसारनायनि जाहोनाव 2.25 कौटिनिफ्राय बांसिन सुबुंफोरा बे इनफेक्सननि बेंखन्थायाव गोग्लैदों । भारतयाव 20 लाख सुबुंफोरनाव बे इनफेक्सनआ जादों। गासैबो सुबुंफोरा बे बेरामनि भेक्सिनखौ नेनानै दं। बेनि गेजेराव रुसआ कभिड-19 भेक्सिन स्पुतनिकखौ क्लीनिकली मोजां होन्नानै फोरमायनानै बयखौबो गोमो होदों।

Corona-Vaccine

भारतयाव कभिड-19 नि थाखाय बानायना भेक्सिननि ट्रायेलखौ एम्सआव कमिउनिटी मेडिसिननि प्रफेसार डाक्टर सन्जय रायनि सामलायनायाव नायनाय जादों। जुलाइ दाननि जोबथायाव गिबि खेब बे भेक्सिननि ड्रफ्टखौ 30 बोसोरनि सुबुंनो थुनाय जादोंमोन।

COVID-19 Vaccine

नाथाय बे भेक्सिनआ भारतनि बाजाराव सौफैनायाव 6 दाननि सम नांबावनो हासिगौ। डाक्टर रायनि बादिब्ला भारतनि दिल्ली आरो मुम्बाइयाव कभिड-19 नि गोबां बिबांनि पीकआ सौफैबाय। बेनि अनगायै खोला भारतनि राइज्योयाव बेनि पीकआ दासिमबो सौफैयाखै । रुसनि बानायनाय भेक्सिन स्पुतनिकनि सायाव सोंथि सोंनायनि फिन होनायाव बियो बुंदोंमोन रुसआ बे भेक्सिननि ट्रायेलनि रिपर्टखौ दासिमबो मुलुगनि सिगाङाव दिन्थियाखै ।

COVID-19 Vaccine of India
 जायखि जाया मुलिखौ लाख-लाख बेरामिफोरनो होनायनि सिगां गासैबो आन्जादखौ नायनांगौ जायो। नाथाय रुसआ बे रोखोमनि जायखि जाया ट्रायेलखौ राइज्योयारि महरै फोसावयाखै, बेनि थाखायनो बे भेक्सिननि सोमोन्दै जेबो बुंनो हाया।
Share with your friends!

Related Posts

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

न’खर न’खर हादरारि फिरफिला बिरहोनाय थांखिजों 24BN SSB नि गोलाव हान्जा सुरनाय ।

रांखान्थि मन्थ्रिआ मैया मिरुनि बाजेटखौ थिसन्दों

रांखान्थि मन्थ्रिआ मैया मिरुनि बाजेटखौ थिसन्दों

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

बि टि आरनि सिङाव ओन्सोल सोसनायनि थाखाय आर’जलाइ गथायनायनि समखौ फोलावबाय

हादतनि गोबां राइज्योफोराव बार्ड फ्लुआ गिथावनायै गोसारदों

हादतनि गोबां राइज्योफोराव बार्ड फ्लुआ गिथावनायै गोसारदों

Published by

Bodosa


Bodosa is a Daily Newspaper, printed in Bodo language.

Leave Your Comment Here