बि पि एफ दोलोआ राइजो-राजाफोरनि जौगाखांनायनि थाखाय हाबा मावबोदों : हाग्रामा

कक्राझार, 4 सेप्तेम्बरः 3 सेप्तेम्बरखिल बि टि सिनि बाउखुंग्रि बियाबनि सिङाव थानाय दिब्लाइ बिल बि पि एफ हान्जानि मोनसे फोसावदिंनाय मेल जानानै थाङो। बे फोसावदिनाय मेलाव बि टि सिनि बारग गाहाइ मावफुं सोद्रोमा एबा बि पि एफनि आफादगिरि हाग्रामा महिलारिआ बाहागो लायो। मेलआव बाहागो लानानै गावनि बिबुंथियाव महिलारिआ बुडोदि, बि पि एफ दोलोआ राइजो-राजाफोरनि जौगाखांनायनि थाखाय हाबा मावबोदों। थाद'नाय गैयालासे ब्रैथि खेबनि थाखाय बि पि एफ दोलोआनो बि टि सिआव बांसानखोनि मासि देरहासारनानै सरकार दाफिनगोन आरो राइजो-राजाया जौगाखांनाय मोनगोन होन्नानै बिथाङा दाबियो। फोसावदिंनाय मेलाव बे बियाबनिनो फसंजानाय बिजाथि दनेस्वर गयारिआबो बाहागो लायो।