कक्राझार, 5 सेप्तेम्बर: बि टि सिनि सिडाव थानाय गुबुन मोनसे जौसिन सोलोंथाय फसंथान बड'लेण्ड मुलुगसोलोंसालिआव फरायसाफोरनि दाबिखौ लानानै 4 सेप्तेम्बरखालि मोनसे हेंथा सोमावसारनाय हाबाफारिआ खुंजादों। बे सोमावसारनायनि गेजेरजों फरायसाफोरा थाबैनो बि एडनि ब्रैथि एबा जोबथा सेमिस्टारनि आन्जादखौ खुंनांगौनि दाबि खालामो।
फैगौ 30 सेप्तेम्बरनि गेजेराव फिथाइखौ मोन्नो हानायबादि बि एडनि जोबथा आन्जादखौ खुंनो दाबि खालामनानै हेंथा सोमावसारनाय फरायसाफोरा जोबथा आन्जाद खुनायनि फार्से गुबुन गुबुन मुलुगसोलोंसालिफोरा राहा लानाय जादोंमोनब्लाबो बड'लेण्ड मुलुगसोलोंसालिआव बे आन्जादखौ खुंनायनि थाखाय दासिम भाइस सेन्चेलरखौ लोगो हमनायनि उनावबो बे आयदाखौ गोनांथि होयाखै होन्नानै अजद खालामदों फरायसाफोरा। बेनिखायनो बि एडनि जोबथा आन्जादखौ फैगौ 30 सेप्तेम्बरनि गेजेराव खुंनो बड'लेण्ड मुलुगसोलोंसालिनि खुंथायनिसिम दाबि खालामदों बि एडनि फरायसाफोरा।
