नबग्रह’ गोथै सालियाव बारग’ गिबि मन्थि तरुन गगैखौ जोबथा बिदाय होदों गिबि मन्थ्रि सन’वालआ

दिसपुर, 27 नभेम्बरः आसामनि गिबि मन्थ्रि सर्बानन्द सनवालआ 26 नभेम्बरखालि नबग्रह' गोथै सालियाव बारग' गिबि मन्थ्रि तरुन गगैनि सहआव बिबार माला गानहोनानै जोबथा मान बाउयो। मख'नो गोनांदि, थांनाय मंगलबारखालि गुवाहाटी मेडिकल कलेज देहा फाहामसालियाव फाहामथाय लानाय समाव जोबथा हां बोनाय बारग' गिबि मन्थ्रिनि सहखौ 26 नभेम्बरखालि माहारियारि मानजों नबग्रह' गोथै सालियाव जोबथा बिदाय होनाय जायो। बे दुखुथिया बुब्लियाव गिबि मन्थ्रि सनवालजों लोगोसे राइज्यो सरकारनि माखासे मन्थ्रिफोर, कंग्रेसनि दैदेनगिरि आरो गुबुन गुबुन मानिजाथाव सुबुंफोराबो बारग' गिबि मन्थ्रिनि गोथै सह'खौ जोबथा बिदायनि बुब्लियाव मान होनानै बिदाय होयो।