• Home
  • /
  • Breaking News
  • /
  • डिसेम्बरनिफ्राय आइ लीगनि फुटबल मेचआ जागायगोन

October 8, 2020

डिसेम्बरनिफ्राय आइ लीगनि फुटबल मेचआ जागायगोन

गोदान दिल्ली, 8 अक्टबरः हादरनि गोजामसिन फुटबल लीग बादायलायनाय आइ लीगनि बे सिजननि गेलेनायखौ कभिड-19 महामारिनि जाहोनआव दानमोनसे फावसायनायनि थांखि लादों। सुलुंनि बादिब्ला, कभिडनि गोसारनाय थासारिखौ नोजोर होनानै 1 दान फावसायनानै सोलिफु बोसोरनि फैगौ डिसेम्बर दाननिफ्राय आइ लीगनि गेलेनाया जागायजेनगोन। आइ लीगनि सिइअ सुनान्द धारआ बुङोदि, बोसोरै खुंबोनाय आइ लीगनि गेलेनाया बे बोसोरआव कभिड-19 नि जाहोनआव दानसे फावसायनानै डिसेम्बर दाननिफ्राय जागायजेनगोन। थांनाय समआव खुंनो थांखि लादोंब्लाबो नाथाय गिथावना थासारिखौ नोजोर होनानै नभेम्बर दानआव खुंनो लानायखौ फिन उनफिन्नानै डिसेम्बर दानआव खुंनो थांखि लादों ।

Sunanda Dhar CEO I-League

मख'नो गोनांदि, दुलाराय भारत फुटबल फेडारेसनआ दासिम बे थांखिनि सायाव फोसावनाय जायाखैब्लाबो नाथाय आइ लीगनि सिइअआ बुधबारखालि मिबथिहोदों। आइ लीगनि क्लाबनि बिगोमाफोरजों गोनांथार सावरायनानै बे थांखिखौ लादों होन्नानै सिइअ सुनान्द धारआ मिबथिहोयो। सिजननि आइ लीगनि गेलेनाया फैगौ बोसोरनि माखासे दानसिम सोलिबाय थागोन । आइ लीगनि सायाव खुंफु आफादआ थाबैनो एआइएफएफजों सावरायगोन होन्नानै मिबथिहोबावदों। दासान्दि आइ लीगखौ डिसेम्बर दाननिफ्राय खुंनो थांखिजों आइएफएआ राइज्यो सरकारजों सावरायगोननि सायावबो सिइअआ मिबथिहोयो। मख'नो गोनांदि, हादरनि मोन 11 हान्जाफोरनि गेजेराव आइ लीगनि मेचफोरखौ फैगौ माखासे दानसिम गेलेनाया सोलिबाय थागोन। बेजों लोगोसे गासैबो हान्जानि गेलेगिरिफोरा कभिड-19 नि होखानाय नेमखान्थिखौ मानिनानै सोलिनायाबो गोनांथार जागोन होन्नानै मिबथिहोदों।

Share with your friends!

Related Posts

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

Published by

Bodosa


Bodosa is a Daily Newspaper, printed in Bodo language.

Leave Your Comment Here