• Home
  • /
  • Breaking News
  • /
  • इस्ट बेंगलनि इन्डियान सुपार लीगआव बाहागो लानायनि लामाया रोखा जाबाय

September 6, 2020

इस्ट बेंगलनि इन्डियान सुपार लीगआव बाहागो लानायनि लामाया रोखा जाबाय

गोदान दिल्ली, 6 सेप्तेम्बर: इन्डियान सुपार लीग सुंद'यै आइएसएलआव सोनाब बंगनि मिबथिसारजानाय गोजाम क्लाब इस्ट बेंगलनि गेलेनो एबा बाहागो लानायनि लामाया रोखा जाबाय। आइएसएलनि खुंफु आफादआ बुंनाय बादिब्ला, फैगौ सिजननि थाखाय गोदान हान्जाखौ बाहागो लानायनि फार्से बादायलायनायाव हांखायनाय जादों। बे थांखि लानायनि उनाव इस्ट बेंगलनि आइएसएलआव बाहागो लानाया रोखा जानायजों हान्जानि गेलेगिरि आरो बिबानगिरिफोराबो गोजोन्नाय फोरमायदों । मिबथिनाय बादिब्ला, थांनाय बावैसो सान सिगां सोनाब बंगनि गिबि मन्थ्रि ममता बेनार्जीआ आइएसएलआव इस्ट बेंगल हान्जाखौ बाहागो लानायनि फार्से आइएसएलनि खुंफु आफाद आरो भारतनि फुटबल फेडारेसनसिम मिबथिहोदोंमोन ।

East Bengal

फार्सेथिं इस्ट बेंगल हान्जानि आइएसएलआव गेलेनायनि थाखाय मोनसे बान्जायग्रा कम्पानीबो मोन्नो हानायाव सोनाब बंगनि गिबि मन्थ्रिआ गोजोन्नाय फोरमायदों। फैगौ सिजननि आइएसएलनि गेलेनाया नभेम्बर दाननिफ्राय जागायजेनगोन। खुंफु आफादआ बुंदोंदि, हादरनि मोन 6 सहरफोर दिल्ली, लुधियाना, आहमेदाबाद, कलकाता, सिलिगुरि आरो भुपालआव गेलेनायखौ खुंनाय जागोन। सुलुंनि बादिब्ला, फैगौ सिजननि आइएसएलआव बयनिख्रुइबो बांसिन हान्जाया बाहागो लागोन। इस्ट बेंगल क्लाबनि नेहाथारि रन्जन दास गुप्ताहआ बुङोदि, आइएसएलआव गेलेनो थाखाय जों जेसेबां नाजादोंमोन बे थांखिखौ जाफुंसार होनो हाबाय। लोगोसे आइएसएलआव बाहागो लानायनि सोमोन्दोआव हान्जाया गुबुन गुबुन नेमखान्थिखौ फालिनायबो जादों। श्री सिमेन्ट कम्पानीआ फैगौ सिजननि आइएसएलआव इस्ट बेंगल हान्जाखौ बान्जायगोन।

Share with your friends!

Related Posts

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

बर’ फिसा अमब्रिका नार्जारीआ हादरारि थाखोनि एथलेटिक्स बादायलायनायाव सिल्भार मेडेल देरहादों ।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

गसाइगावनि स्रीरामपुरआव बिलाटि जौजों आबुं गंसे ट्राक हमदों।

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

सा 30 NLFB नि सोद्रोमाफोरा दिनै सौफैबावबाय

सा 30 NLFB नि सोद्रोमाफोरा दिनै सौफैबावबाय

Published by

Bodosa


Bodosa is a Daily Newspaper, printed in Bodo language.

Leave Your Comment Here