गोदान दिल्ली, 9 सेप्तेम्बर : मिरु आबहावा मन्ध्रि प्रकास जावड़ेकरआ आबहावा गुबुंले जानायखौ खम खालामनो थाखाय सुबुंफोरा इलेक्ट्रनिक गारिखौ गोबां बाहाय नांगौ होननानै बुंथियो। बियो राइज्योफोरखौ गावसोरनि सहरयाव आबहावा गुबुंले जानायखौ खम खालामनायनि यजनाफोरजों लोगोसे आवगाय बोनो आर'ज गाबदों। मिरु सरकारआ आबहावा गुबुंले जानायजों जुजिनो थाखाय गारि-मटरनि थावनि मानदान्दाखौ जौगाखां होनानै बि एस-6 खालामदों। 8 सेप्तेम्बरखालि “नीले आकाश के लिए स्वच्छ' हवा”नि सायाव खुंनाय गिबि हारिमायारि सानाव मोनसे वेबिनारखौ सोमोन्दो लानानै बियो बुंदों, गिबियाव गावसोर नील आकाश दिबसखौ फालिनाङाखैमोन ।
नाथाय टेक्नलजि, गोबां सुबु अन्जिमा बांनाय आरो गारि-मटरफोरनि जाहोनाव बेबादि खालाम नांदों। बेनि थाखाय बियो सरासनस्रा गारि-मटरखौ बांहोनायनि सायाव बोलो होदों। आबहावा मन्थ्रिआ बुंदों, दिल्लीयाव गावसोरनाव इ-रिक्साबो दं, जायनि गोहोया मख'जाथाव। राइज्योफोरा मोजां थावखौ बाहायनायनि सायाव बोलो होनांगौ। हान्था मेला खालामनायखौ गोर्ले बानायनो थाखाय मोजां लामा बानायनायनि सायावबो नोजोर होनांगौ। वेबिनारआव आबहावा राइज्यो मन्थ्रि बाबुल सुप्रिअआ जुरिमाना लागायनायनि अनगायै आबहावाखौ गोग्गोयै लाखिनायनि सोमोन्दै सुबुंफोरखौ जाख्रिखां होनायनि गोनांथिनि सायाव बोलो होदों।
गिबियाव लकडाउन आरो फिन मौसुमि बोथोरा आगान खोख्लैजेन्नायनि जाहोनाव हादतनाडै गोबां सहरफोराव आबहावानि थासारिया मोजां जादोंमोन। गासिबो सहरफोरनि एयार इन्डेक्सआ 100 निफ्राय खम रेकर्ड जादोंमोन। नाथाय थांनाय 2-3 साननिफ्राय बांसिन जायगाफोराव एयार इन्डेक्सयाव बांनायखौ नुनो मोन्दों। फरिदाबाद, नएडा आरो ग्रेटार नएडानि एयार इन्डेक्सआ 100 निफ्राय गोजौसिनयाव थादों। मख'नो गोनांदि, खोला सोनाब एबा राजस्ताननिफ्राय जा बार बारदों, बेजों लोगोसे हाद्रि बालायाबो फैफादों। बेनि जाहोनाव आबहावाया गुबुंले जानायनि बिबाङा बांदों। बेनि अनगायै आथिखालाव अखायाबो खम हादों ।
