• Home
  • /
  • International
  • /
  • आफगानिस्तानआ सा 400 तालिबान कैदिफोरखौ रेहाय खालामबाय

August 15, 2020

आफगानिस्तानआ सा 400 तालिबान कैदिफोरखौ रेहाय खालामबाय

काबुल, 14 आगस्ट : आफगानिस्तान आरो तालिबाननि गेजेराव कैदिफोरखौ रिहाय खालामनायखौ लानानै रादाय खानायनि गेजेरजों आफगानआ शुक्रबाराव सा 400 तालिबान उतखारिफोरखौ रेहाय खालामबाय। बे खौरांखौ बिबानगिरिआ होदों। बेनि सिगां सा 80 कैदिफोरखौ रेहाय खालामनाय जादोंमोन। माहारियारि रैखाथि परिषदनि बुंथिगिरि जाबेद फैसलआ टुइट खालामनानै रिहायनि खोरां होनानै बुंदोंसावरायलायनो नाजानाया गोळे जागोन आरो हादतनाडै दावहा दोन्थ'नायखौ फोजोबनाय जागोन। आफगानिस्तान सरकारआ हादतनि गासिबो जेलाव जोबजानानै दोनजानाय सा 400 तालिबान कैदिफोरखौ रेहाय खालामनायखौ जागाय जेनबाय। आफगानिस्तानयाव गोजोननि सावराय लायनायखौ थाबैनो जागाय जेन्नो थाखाय आफगान परिषद 'लया जिरगाआ तालिबाननि सा 400 उतखारिफोरखौ रिहाय खालामनायाव गनायथि होदों। तालिबानआ बे कैदिफोरखौ रेहाय खालामनायनि सर्थ लाखिदोंमोन। तालिबान आरो सरकारनि गेजेराव फैनो गोनां सप्ताहयाव कातारयाव सावरायलायनो हागौ। तालिबान कैदिफोरखौ रेहाय खालामनायनि सायाव सुबुरुन लानो थाखाय हादतगिरि अशरफ गनीआ सा 3,200 सरासन्ना दैदेनगिरिफोर आरो राजखान्थि दैदेनगिरिफोरखौ काबुलाव लेंहरदोंमोन । करना इनफेक्सननि जिंगा सिनाय आरो गोनों रैखाथि बेबस्थानि गेजेराव जानाय जथुमायाव रेहायनि बिथांखि लाइया पास जादों। जागाय जेन्नायाव उतखारिफोरखौ उदां खालामनायनि सिगां बिबानगिरिया गनायखैमोन। बियो बुंदोंमोनदिबिसोर उतखारिफोर गोबां दाय मावनायनि दायनिगिरि आरो गिलंथाव हामला खालामनायाव आफगाननि सुबुंफोर आरो गुबुन हादतनि सुबुंफोरनि जिउ लादों।

Share with your friends!

Related Posts

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

चीननि ब्रह्मपुत्र दैमा सायाव बान्दो बानायनायजों भारतनि जिंगा सिनाया बांदों

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

बे बोसोराव औरैबादि गुसु जानो हागौ, जाय सिगांनि गोजाम रेकर्डफोरखौ सिफायगोन

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

अलास्कानि ग्लेसियारआ गोबां आवलिदों, बेनि हाया गिसिखायोब्ला सुनामी जानो हागौ

बे सहरयाव 60 सान खोमसि जागोन

बे सहरयाव 60 सान खोमसि जागोन

Published by

Bodosa


Bodosa is a Daily Newspaper, printed in Bodo language.

Leave Your Comment Here