• Home
  • /
  • Sports
  • /
  • आइपिएलआव बयनिखुइबो गोख्रों हाफ सेन्सुरि खालामनाय फारिलाइयाव भारतनि सा 3 गेलेगिरि

August 24, 2020

आइपिएलआव बयनिखुइबो गोख्रों हाफ सेन्सुरि खालामनाय फारिलाइयाव भारतनि सा 3 गेलेगिरि

गोदान दिल्ली, 23 आगस्ट:  हादतयाव थांनाय माखासे बोसोरनिफ्रायनो फारियै खुंजाबोनाय इन्डियान प्रिमियार लीग सुंदयै आइपिएलआव मोनफ्रोम सिजननि गेलेनाय समाव गेलेगिरिफोरनि गुबुन गुबुन रेकर्ड खालामनायखौ नुनो मोनबोदों। आइपिएलनि गेलेनाय जारिमिनाव बेटसमेन आरो बलारफोरनि गेजेराव रेकर्ड सोरजिनाया दासिम गोबां जानायनि गेजेराव बेटसमेनफोरनि खम समावनो आरो एसेल' बलावनो गोख्रोंसिन हाफ सेन्सुरि खालामनो हानाय सा 5 गेलेगिरिफोरनि गेजेराव भारतनि सा 3 गेलेगिरिया जायगा लानो हादों।

सुलुंनि बायदियैब्ला भारतनि क्रिकेट हान्जायाव दासान्दि अपेनार बेटसमेन महरै गेलेबाय थानाय के एल राहुलआ मोनसे मेचआव गासै 14 बलावनो 51 रान एबा हाफ सेन्सुरि खालामनानै गोदान रेकर्ड सोरजिदों । के एल राहुलआ बे रेकर्डखौ महालिनि क्रिकेट स्टेडियामआव गेलेनाय मेचआव खालामनो हादोंमोन । बेजों लोगोसे युसुफ पाटानआबो गावनि गेलेनाय मोनसे मेचआव 15 बलावनो 50 रान एबा हाफ सेन्सुरिखौ गोख्रों खालामनो हादों। बेनि उनाव गुबुन हादतनि गेलेगिरि सुनिल नारेनआ गेलेनाय मोनसे मेचआव 15 बलाव 54 रान एबा हाफ सेन्सुरिखौ खालामनो हाबावदों।

भारतनि गेलेगिरि सुरेस रैनायाबो बे रेकर्डखौ खालामनो हानायाव जाफुसारदों। रैनाया मोनसे मेचआव गासै 15 बलाव हाफ सेन्सुरिखौ खालामनो हादों। बिसोरनि अनगायैबो वेस्ट इन्डिसनि गोख्रों गेलेगिरि क्रिस गेलआबो आइपिएलनि गेलेनाय मेचआव 17 बलाव 50 रान एबा हाफ सेन्सुरिखौ खालामनो हादों। 2013 नि आइपिएलआव क्रिस गेलआ बे रेकर्डखौ खालामनो हादोंमोन।

 बेबायदिनो भारतनि माखासे गेलेगिरियाबो आइपिएलनि गेलेनायाव गुबुन गुबुन रेकर्डफोरखौ खालामदों। फारसेथिं फैगौ 13 थि सिजन इन्डियान प्रिमियार लीगनि थाखायबो भारतनि गेलेगिरिफोरा गोख्रों गेलेनो थियारि जानायजों बे सिजननि गेलेनायावबो बेटसमेन आरो बलारफोरनि सोमोनांथाव गेलेनायखौ नुनो मोनगोननि मिजिंथिजायो।
Share with your friends!

Related Posts

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

आसाम इयुथ अलिम्पिक 2022 आव तामुलपुरनि गेलेगिरिफोरा मोननै सना आरो मोननै रुफानि मेडेल दारहासारदों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

रनाल्डनि गलआ बेकार: सिरि-एआव भेरोनाया जुभेन्टासजों ड्र लाखियो, प्रिमियार लीगआव मेनसिटिआ लान्थ्रियैनो 20 थि मेच देरहादों

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

आगु वर्ल्ड सेम्पियनखौ फेजेन्नानै रेसलिंआव सना मेडेल देरहाबाय भिनेश फगातआ

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

भारतनि हान्जाया जोबथा मेचयाव मुलुगनि नैथि हान्जा आर्जेन्टिनानि हेथायै ड्र गेलेदों

Published by

Bodosa


Bodosa is a Daily Newspaper, printed in Bodo language.

Leave Your Comment Here