गोदान दिल्ली, 21 नभेम्बर : अलास्कायाव थानाय बेरी आर्म ग्लेसियारआ आवलिदों आरो बेनि सिङाव थानाय हाया लासै लासै खमाय लादों। बेनि जाहोना जादों बेवहाय गोबां गिलिर बरफ थानाय। बिगियानगिरिफोरा मोनसे स्टाडीनि उनाव फोरमायदोंदि, बे ग्लेसियारआ जायखि जाया लेन्डस्लाइनि जाहोनाव बायग्रबनो हागौ, जाय थोंजों लैथोमायाव गोग्लै हैगोन। बेनि जाहोनाव सुनामी जानो हागौ।
मख'नो गोनांदि, बे आर्म ग्लेसियारआ संख्रि थानाय लैथोमानि सायाव सोमजि खादों। बेनि फारनैथिं जेराव गोजौ गोजौ बरफनि हाजो दं। बेनि थाखायनो बे जायगायाव सुनामी सोमजिखांनो हागौ। जुदि बरफनि ग्लेसियारजों लेन्डस्लाइड जायोब्ला दैनि बोहैनाया गोखै जागोन, जाय सुनामीनि महर सोलायनो हागौ । बेजों लैथोमानि खाथि खालायाव थानाय सुबुंफोरनि थाखाय खैफोद सोमजिखांनो हागौ। अलस्कानि बैरी आर्म ग्लेसियारखौ नायनो थाखाय गोबां दावबायारिफोरा थाङो। लोगोसेनो बेवहाय ना हमग्रा सुबुंफोराबो गोबां थायो। ग्लेसियारनि खाथि खालायाव चुकैक हारिनि सुबुंफोर थायो।
